मेचिनगर साउन ३॥लायन्स क्लब अफ बिर्तामोड सिटीले झापाको मेचीनगरस्थित अमर प्राथमिक विद्यालयलाई ६ थान पंखा (सिलिङ फेन) बितरण गरेको छ ।
मेचीनगर–१२ धानजनस्थित बिद्यालयका बिद्यार्थीहरुकालागि पठनपाठनमा सहजता पुर्याउने हेतुले बिद्यालयलाई पंख बितरण गरिएको लायन्स क्लब अफ बिर्तामोड सिटीका बर्ष सन् २०२४–२५का अध्यक्ष उपेन्द्र बानियाँले जानकारी दिनुभयो।
उहाँले गर्मीको समयमा टिनको छानो भएको विद्यालयको भवनमा पंखा विना नै बिद्यार्थीहरु पठनपाठन गर्न बाध्य भईरहेको भन्ने जानकारी पाएपछि लायन्स क्लव अफ बिर्तामोड सिटीले तत्कालै ६ थान पंख लगेर विद्यालयलाई हस्तनान्तरण गरेको बताउनुभयो । विद्यालय व्यवस्थापन समितिका पदाधिकारी तथा सदस्य, शिक्षक, बिद्यार्थी र अविभावकहरुको उपस्थितिमा विद्यालयमका भएको पंखा बितरण कार्यक्रममा लायन्स क्लब अफ इन्टरनेश्नल डिस्ट्रक ३२५ एरिया १ चिफ शैलेन्द्र कुरुङ्वाङको प्रमुख आतिथ्य रहेको थियो ।
त्यस्तै कार्यक्रममा लायन्स क्लब अफ बिर्तामोड सिटीका प्रथम उपाध्य राजकुमार गुप्ता, द्धितिय उपाध्यक्ष संजय चौधरी, त्रृतीय उपाध्यक्ष पदम बहादुर पुरी, क्लब सचिव लक्षुमण खड्का(प्रेम), कोषध्यक्ष राजकुमार साह, क्लब डाइरेक्टरहरु कमल थापा र बासुदेव उप्रेतीको उपस्थिति रहेको थियो ।विद्यालयकी शिक्षिका प्रेमकुमारी चपागाईले स्वागत गर्नुभएको कार्यक्रमको संचालन विद्यालयका शिक्षक हेमराज रिजालले गर्नुभएको थियो ।
