साउन ४।। झापा। ।चितवनको सिमलताल पहिरोमा परी त्रिशूलीमा बेपत्ता भएका ६२ मध्ये बिहीबारसम्म १८ पुरुष र दुई महिलासहित २० जनाको शव फेला परेको छ । ४२ जनाको अवस्था अझै अज्ञात रहेको चितवन प्रशासनले जनाएको छ । भेटिएको शवमध्ये ६ जनाको सनाखत हुन बाँकी छ । सनाखत भएका १४ मध्ये चारजना भारतीय नागरिक भएको चितवनका प्रमुख जिल्ला अधिकारी इन्द्रदेव यादवले बताए । त्रिशूलीमा खसेको बस अझै पत्ता लाग्न सकेको छैन । सिमलताल पहिरोमा परी त्रिशूली नदीमा बेपत्ता र बसको खोजीका लागि सशस्त्र प्रहरी, नेपाली सेना, प्रहरी, गोताखोरका साथै आधुनिक किसिमको वाटरड्रोन (सोनार), आकाशबाट पनि ड्रोन क्यामेरा, र्याफ्टिङ बोट, मोटर बोट, बस भेट्नका लागि ठूलो चुम्बक र…
